Нови детали за случајот со станица за технички преглед во Куманово. Внатрешната контрола на МВР утврдила дека вработена полициска службеничка без законска основа издавала регистарски таблици и обрасци без да биде извршена уплата за нив. Со тоа го оштетила буџетот на Министерството за околу 400 илјади денари.
Притоа, според службените податоци, таа ги преземала таблиците и обрасците од магацинот на СВР Куманово, иако знаела дека не се исполнети законските предуслови за нивно издавање.
Минатата недела финансиската полиција соопшти дека газдата на кумановска станица за технички преглед заедно со две службенички, едната вработена во Македонска пошта, а другата во Јавното претпријатие за државни патишта успеале да проневерат над 22 милиони денари не уплаќајќи го законскиот надомест на претпријатието за државни патишта.
Второосмничена во овој случај е братучедката на екс министерот за внатрешни работи, Оливер Спасовски.
