Македонија се поврзува со светот и регионот со олеснување на протокот на туристи и посетители. Бројот на странски туристи во првите пет месеци од годинава во споредба со 2025 е зголемен за 23,6%, а бројот на реализирани ноќевања е зголемен за 18,7%. Се повеќе Македонија се позиционира како атрактивна туристичка дестинација, што значи и економски раст.
„Во исто време се инвестира и во модернизација на аеродромската инфраструктура. Реконструкцијата на охридскиот аеродром е во завршна фаза, со нов терминал, нова административна зграда и проширување на капацитетите за прием на патници и авиокомпании. Резултатите веќе се видливи, при што охридскиот аеродром забележува рекорд со повеќе од 3.000 опслужени патници во еден ден“, изјави Александар Јамалов, пратеник на ВМРО-ДПМНЕ
Охридскиот аеродром оствари рекорд со опслужени 52500 патници само во јули, што значи раст од 41,21% проценти во споредба со истиот месец лани. Додека скопскиот аердром бележи раст од 29% Вкупно охридскиот и скопскиот аеродром опслужиле 2,42 милиони патници што е раст од 29%. Претходно извештајот од светската банка го потврди растот на туризмот во Македонија со тоа што објави податоци според кои на годишно ниво бројот на патници во пристигнување е зголемен за 40%. Но се инвестира и во повеќе градови во државата.
„Се реализираат и повеќе проекти во Гевгелија кои директно придонесуваат за развојот на туризмот. Во тек е изградба на западниот булевар кој ќе го подобрисообраќајното поврзување. се реставрира заштитената стара чаршија со цел повторно да стане препознатлив симбол на градот, а се привршува изградбата на браната Конско.“
Гевгелија ќе се развие како значаен туристички економски центар, се проширува граничниот премин и се реставрира старата чаршија а со изградбата на браната Конско ќе се добие и ново вештачко езеро. Значаен проект поврзан со развивањето на протокот на туристи во Македонија е изградбата на брзата железничка пруга Скопје –Солун. Со неа се крати патувањето и се остварува полесен пристап до морето.
