Поликлиниката Идадија доби нов апарат за магнетна резонанца.Тој функционира од јули и досега биле закажани 476 термини, тоа значи дека дневно се снимаат по 9 пациенти. Апаратот е купен со сопствени средства на Здравствен дом Скопје, во вредност од околу 1,3 милиони евра.Директорот Исени вели дека со новиот апарат ќе се намали чекањето за магнет кај пациентите.
И според министерот Таравари, апаратот за магнетна резонанца е од голема важност за пацинетите и ќе помогне да се забрза дијагностиката.
Но горлив проблем во јавното здравство не е само термин за дијагностика, туку и читањето на резултатите. Во Здравствениот дом – Скопје веќе една година имаат систем за централизирано читање на резултатите.
„Нам ни преостанува да овозможиме со дополнителен медицински кадар да работи и втора смена, за да се овозможи да стигнат до ваква здравствена услуга за која би можел да кажам дека е луксузна. Не би сакал да претерам, но најверојатно Македонија е земја во која најмалку се чека за да се направи магнетна резонанца, со која можеме да се пофалиме како држава“, кажа Таравари, додавајќи дека наскоро ќе има централизација на радиологијата низ државата.
Премиерот Мицкоски најави дека Владата и натаму ќе инвестира во медицинска опрема но и нови вработувања во јавното здравство.
Според Мицкоски, граѓаните се’ и ќе бидат главниот приоритет на Владата.Тој ветува дека ќе се работи посветено особено во здравството, за пацинетите да добијат здравтвена заштита каква што заслужуваат.
