Ниту еден од петмината сведоци на Обвинителството не се појави на денештото рочиште за трагедијата во дискотеката Пулс. За двајца од нив, психијатар ќе вештачи дали се во добра психофизичка состојбаа за да можат сведочат, двајца не можеле да ги најдат, па судот допрва ќе им прати покани, а еден студира во Бугарија и МВР не може да го најде.
Иако обвинителството претходно бараше двајцата сведоци кои имаат трауми, но и физички повреди, да ги повлече од листата, адвокатите денеска инсистираа тие да се појават на судење. Според одбраната, ако во истрага биле здрави и мижеле да кажат што се случило кобната ноќ, тоа можеле да го направат и после година дена. Дали ќе сведочат зависи од тоа што ќе каже стручњак за душевни болести.
Рочиштето сепак не пропадна. Се читаше исказ на сведок кој е иселен од Македонија уште во октомври 2024. Тој не бил критичната ноќ во „Пул“с, но претходно бил логистика и организација на бендот ДНК. Во истрага рекол дека Владимир Блажев Панчо бил задолжен за прскалките за коишто е познато дека токму тие се причина за го предизвикување на кобниот пожар, и за сценските настапи.
Немало огномети на сцена само во Кочани. Со прскалки и пиротехника настапувале ширум цела држава. Во локали и дискотеки, во Штип, Гевгелија, но и во популарни клубови во Скопје. Настапувале на отворено небо, но и во затворен простор.
Според поранешниот организатор и логистичар на настапите на ДНК, пиротехничкиот материјал го пријавувале кај газдите и за негова употреба никој не барал дозвола од полиција. Клавијатуристот на бендот кој загина во пожарот, а понекогаш сведокот биле задолжени за вклучување на прскалките.
Од видеата што ги видел на социјалните мрежи, за време на пожарот прскалките му личеле поинакви од оние кои се употребувале во перидот додека тој работел за нив. Имало два вида на прскалки, едни со сигурно согорувале со топлина, но тој не може да процени какви прскалки се употребиле критичната вечер.
Судењето продолжува во понедечник со сослушување на последните сведоци на Обвинителство. Досега беа сослушани околу 30, дел биле внатре во Пулс, а дел од нив се од институции, министерства и општини.
Судкиот процес стартуваше во октомври ланската година и се уште е во доказна постапка. Станува збор за еден од најобемните предмети во амкеоднското правосудство. Има илјадници докази, 35 обвинети и три фирми. Сите се товарат за тешки дела против општата сигурност.
