Ништо конкретно не е договорено меѓу македонските и бугарските историчари, повеќе очекувања од следната средба во Софија. Се разговарало за 11-от век, за Охридската архиепископија, за утврдување на протоколи од претходните средби, кажа првиот човек од бугарскиот дел на комисијата Ангел Димитров. Сепак за некаков договор ќе мора да се чека нова средба.
-Денеска започнавме поконкретна работа, ги започнавме едни многу долго водени разговори до сега околу Охридската архиепископија во 11-от век. И бидејќи на нашите колеги им треба време да влезат во таа проблематика, решивме да ја оставиме за следната средба која што ќе биде во Софија, изјави Димитров.
Димитров изрази надеж дека ќе имаат подобра комуникација за разлика од претходната комисија.
-Ништо не може да започне од почеток, веќе е направено многу работа и треба да го уважиме трудот на таа комисија. Се разбира ако има добра волја, се е возможно. Се надеваме дека ќе има, изјави Димитров.
Ова е прва средба на новата историска комисија од македонска страна која што ја предводи Ванчо Ѓоргиев. Покрај него нови членови се Митко Панов, Никола Минов, Сашо Додевски, Бесник емини и Димитар Љоровски.
Матеја Петровски
