Вицепремиерот и министер за транспорт, Александар Николовски, во рамки на посетата на Унгарија денеска оствари средба со министерот за национална економија на Унгарија, Мартон Наѓ.
На средбата се разговараше за движечките проекти на Владата предводена од ВМРО-ДПМНЕ, планираниот економски раст, нови инвестиции и актуелни политики. Се дискутираше и за економските политики на Владата на Унгарија и нивниот план за раст, како и за можностите за уште поинтензивна економска соработка меѓу двете држави.
Регионалните проекти во инфраструктурата и транспортот се заеднички приоритет на Македонија и Унгарија, како предуслов за забрзан економски раст и подобра поврзаност во регионот. Договорот „Влада со Влада“, потпишан меѓу Македонија и Унгарија, носи големи придобивки за граѓаните на двете земји, потврдија министрите.
Односите меѓу Македонија и Унгарија се на одлично ниво и ќе се интензивираат во делот на економијата и инвестициите. Вицепремиерот Александар Николовски, на покана на премиерот на Унгарија Виктор Орбан, од вчера престојува во Будимпешта и присуствува на прославата по повод Националниот ден на Унгарија.
