А вицепремиерот и министер за транспорт денеска објави фотографии од увидот во работењето на патот кај превојот Пресека, најавувајќи дека очекува до месец февруари целиот патен правец да биде завршен и да се подигне безбедноста во сообраќајот.
Според Николоски, станува збор за проект за рехабилитација на 15 километри патен правец, што е од огромно значење за подобрување на безбедноста во патувањето и ќе го олесни поврзувањето на главниот град со Охрид и Струга.
„Се работи со одлична динамика и до февруари месец би требало целиот патен правец да е завршен, што многу ќе помогне, додека не се пушти целиот автопат Охрид–Кичево, побезбедно и побрзо да се патува, имајќи предвид дека патниот превој Пресека беше во една навистина катастрофална состојба“, изјави вицепремиерот Николоски.
