Веројатно никој од Македонија, ниту Владата, ниту претседтелот, ниту МНР воопшто не се обиделе да побраат од Грција продложување на рокот и да го спречат овој таканаречен притвор за македонските граѓани. Молчи Ковачевски кој додека беше премиер не направи ништо, молчи и Османи, краток одговор само од кај Пендаровски. Од Владата се повикуваат на изјавата на техничкиот премиер за овој слулчај, но таму нема ниту збор за ова.
-Во однос на потребите за комуницирање со надвор секако дека се преземаат организициски процедури да се обезбедат соодветни документи и процедури за издавање на соодветните документи. Се надеваме дека 650.000 илјади граѓани истиот ден денеска ниту имаат потреба, ниту можност да ја напуштат државата, велат од Влада.
Ниту од МНР не одговораат дали имале официјална комуникација со Грција. И тие се повикуваат на старо соопштение.
-По сила на закон тие стануваат невалидни. Ние немаме обврска да ги информираме другите земји. Има едно писмо во кое Грција ги има информирано сите држави, дека после 12-ти влегува во сила оваа обврска, велат од МНР.
Одоговор само од кај Пендаровски, да сме се повикале на претходнит став, дека не е негова обврска тоа да го бара од Атина. Истиот тој Пендаровски кој пред само еден месец храбро бараше пролгонирање на рокот.
-Значи ние со добра волја јавуваме во Брисел ова ќе го промениме од технички причини бидејќи не можеме да стигнеме, во смисла на минус 10 да ги малтретираме луѓето да чекаат пет саати, а им велиш дојдете утре или задутре. Што кошта?, кажа Пенадаровски на 9-ти јануари годинава
Тоа беше причина контра Пендаровски да отиде Ковачевски, наместо да се јави во Грција и да се обиде да најде решение на проблемот, тој реши обврската да ја префрла кај претседателот.
Инаку, она што е можеби главната причина што сега се доведе ситуација до момент да 100-тици илјади граѓани не можат да ја напуштат државата е тоа што МВР издаваше пасоши со Република Македонија до пред две години, иако државата името го промени пред дури пет години.
Матеја Петровски
