Се распага и тоне зградата на Центарот за култура во Струмица. Објектот стар повеќе од 35години каде што е сместен и театарот е оставен на забот на времето. Испукани ѕидови,влага, студени ходници …во вакви услови творат струмичките уметници..
Ваква е сликата после секој дожд. Кровот протекува, па овие кофи во кои се собира дождовницата се само лош предвесник на она што публиката ја очекува во главната сала.
Уништен сентилон, скршени,искинати па крпени, во вакви седишта седи публиката додека го гледа продуктот на стрмичките уметници..
Студот им е најголемиот непријател. Со нафта се затоплуваат само салите, додека останатите простории се загреваат со кварцни печки. Но и во вакви услови годинава имат пет премиери и над 300 ликовно-музички настани.
Единствен спас на актерите од лошитеуслови им е обновата на старо- новиот театар,но досегашната динамика на градба одамна им ја уништи и последната надеж. Изградбата почна во 2014 и требаше да биде готов за само 18 месеци.
Дека условите за работа не се најсјајни, потврдува и првиот човек на Центарот за култура. Бараат итна децентрализација на институцијата, и зголемување на годишниот буџет. Објаснуваат дека со сопствени средства успеваат само да ги замаскираат недостатоците..
Зошто речиси шест години се доцни со изгадбата на струмичкиот театар Алфа побара одговор од ресорното министерство од каде прстот го вперија во струмичкиот Музеј кој се јавува како инвеститор на објектот.
Сепак според сознанијата на министерството изградбата ја пролонгираат проблемите со стручниот надзор кој не ги одобрува или се одобруваат со задоцнување обрасците за набавка на материјали и опрема.Од музејот пак бараат, недоразбирањето помегу изведувачот и надзорот правно да се разреши.
И додека надлежните едни на други си ја префрлаат топката на струмичките актери не им останува ништо друго, освен да создаваат уметност во влага и зграда која се распага.
Александра Ристевска
