Македонија може да има само бенефит од преземањето на претседателството на Советот на Европа од страна на Унгарија, со оглед на тоа што нивниот главен фокус е проширувањето на ЕУ со земјите од Западен Балкан, сметаат дел експертите. Поранешниот вицепремиер за евроинтеграции Васко Наумовски е оптимист во однос на унгарската агенда во наредните шест месеци во Советот на Европа. Унгарија не само што важи за искрен пријател и поддржувач на Македонија, туку има и искуство со проширувањето на земјите од Централна Европа во 2004, кое сега може да го примени и со земјите од Западен Балкан
Дел од познавачите не исклучуваат можност Унгарија како претседавач со ЕУ да свика и посебен самит за патот на Македонија кон ЕУ.
Официјална Будимпешта веќе објави дека најприоритетно прашање на Унгарија во наредните шест месеци ќе биде пршувањето на ЕУ со земјите од Западен Балкан. Покрај проширувањето, Унгарија ќе работи на зајакнување на заедничката одбрана на земјите како и подобрување на европската конкурентност. Ова се трите врвни приоритети на претседавањето на Унгарија со ЕУ. Мотото на Унгарија е под слоганот „Да ја направиме Европа повторно голема“.
