Шокантен настан во Кочани. Го соблекле, го тепале и го снимале. Шестгодишно дете, жртва на врсничко насилство. Според информациите од полицијата, малолетникот бил сниман со смарт часовник во соблекувалната, на спортската сала, во едно од основните училишта во Кочани.
Случајот во полиција го пријавил таткото на детето, вчера попладнето. За настанот веднаш бил известен јавен обвинител, како и Центарот за социјални работи.
Од МВР велат дека се преземаат мерки за целосно расчистување на случајот. Кој точно учествувал, што се случувало во соблекувалната и како дошло до инцидентот, надлежните допрва треба да утврдат.
