Народната банка објави повик за пријавување трудови за 59. сесија на Клубот на истражувачите во кој ги повикува заинтересираните најдоцна до 18 септември да достават работен материјал доколку сакаат да го презентираат на сесијата на Клубот на истражувачите што ќе се одржи на 28 септември.
-На 28 септември 2026 година (понеделник), во просториите на Народната банка ќе се одржи 59. сесија на Клубот на истражувачите. Доколку сакате да презентирате Ваш работен материјал на оваа сесија на Клубот на истражувачите, Ве покануваме да се пријавите со доставување на материјалот на е-адресата: [email protected], најдоцна до 18 септември 2026 година (петок), се вели во повикот.
Се нагласува дека трудовите треба да бидат изработени согласно со трендовите и стандардите на современите истражувања, што подразбира емпириска анализа, како и систематизирани заклучоци од истражувањето.
-На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија, се прецизира во повикот.
Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата. Зачленувањето во Клубот на истражувачите е од отворен карактер, за што подетални информации можат да с енајдат на веб-страницата на Народната банка www.nbrm.mk, во делот Клуб на истражувачи
