Во пресрет на новогодишните празници, МВР спроведува засилена акција за спречување на употребата, но и нелегалната продажба на пиротехника. Само во последниот месец запленети се над 30 илјади парчиња пиротехника. Акцијата ќе продолжи и во наредниот период.
Надлежните апелираат на сериозност и внимателност, со цел да не се повторат непријатните искуства од минатото. Денеска беше организирана и симулациска вежба, со која беше прикажана реална ситуација во која би можеле да се најдат малолетниците, но и сите други кои би ракувале со пиротехника. Во вежбата учествуваа ученици, екипи на Брзата помош и полицијата.
