Црниот биланс од силниот земјотрес во Колумбија надмина 250 загинати, а спасувачките екипи и натаму трагаат по преживеани под урнатините.
Стотици спасувачи продолжуваат со расчистување на урнатините во потрага по луѓе кои можеби сè уште се затрупани. Во акцијата се користи тешка механизација, а на одредени места спасувачите работат и со голи раце.
Во земјотресот се оштетени или целосно урнати бројни станбени згради, куќи, училишта и здравствени центри.
Земјотресот со магнитуда од 7,4 степени во понеделникот рано наутро го погоди западниот дел на Колумбија, а најтешко е погоден главниот регион за производство на кафе во земјата.
Станува збор за најразорниот земјотрес во Колумбија од почетокот на векот. Најголем број од жртвите се регистрирани во Переира и во Кали, третиот по големина град во Колумбија.
