Регулаторната комисија за домување соопшти дека одзела лиценци на четири управители на станбени згради, по вонредна проверка за исполнувањето на условите врз основа на кои им е издадена лиценцата. Целта на вонредната периодична проверка била добивање податоци за постапувањето, кои управителите на станбени згради беа должни, најдоцна во рок од шест месеци, да го усогласат своето работење согласно одредбите од новиот Закон за домување.
Со извршената проверка биле опфатени правни лица – управители на станбени згради со седиште во Скопје, Охрид, Прилеп, Тетово, Гостивар, Струмица, Штип, Битола, Кичево, Велес, Куманово, Кочани и Кавадарци.
Кај четири управители, од кои три со седиште во Скопје и една во Струмица, констатирани се неправилности, недоставени податоци или неисполнување на обврските утврдени со закон.
