Најмалку 90 луѓе загинаа при експлозија во рудник за јаглен во Северна Кина

Најмалку 90 луѓе го загубија животот по експлозија на гас во рудник за јаглен во Северна Кина. Останува неизвесно уште колку луѓе се заглавени во внатрешноста на рудникот. Кинеската државна новинска агенција објави дека вкупно 201 лице е евакуирано од рудникот по експлозијата што се случи синоќа. Се претпоставува дека во моментот на несреќата во рудникот се наоѓале вкупно 247 работници. Според локалните медиуми, рудникот работел во три смени, а експлозијата се случила за време на примопредавањето на смената. Причините за несреќата сè уште се истражуваат.