Полицијата и бирото за јавна безбедност по наредба на јавен обвинител влегоа во голема и успешна градежна фирма во Батинци поради сомнение за злоупотреби на милионски суми направени со лажни јавни набавки. Од СВР Скопје соопштија дека се извршени два претреси. Едниот во семејниот дом на осомниченото лице за кое е поведена постапката, а другиот претрес е извршен во просториите на компанијата. Според МВР , осомничено е едно лице за злоупотреба на постапка за јавни набавки со што е оштетен државниот буџет за нешто над еден милион евра.
„На ден 05.09.2024 година од страна на полициските службеници од Единицата за Економски и компјутерски кримина при СВР СКОПЈЕ во координација со полициски службеници од Одделот за крим полиција од БЈБ на МВР, со наредба за претес на дом и други простории, издадена од страна на Судија на претходна постапка, извршено е истражно дејствије, претрес во дом на лицето С. В. од Скопје, по претходно издадена Наредба за претрес на деловни простории на правно лице со седиште во с.Батинци, велат од СВР Скопје.
И од Обвинителството потврдија дека по поднесувањето на кривичната проијава, јавен обвинител дал наредби за претреси
До Основното јавно обвинителство Скопје доставена е кривична пријава за кривично дело – Злоупотреба на постапка за јавен повик, доделување на договор за јавна набавка или јавно приватно партнерство. По наредба на јавен обвинител, Министерството за внатрешни работи и други надлежни институции преземаат дејствија н јавен обвинител дал наредба за извршените претреси, велат од Обвинителство.
Според повеќето медиуми коишто ја пренесоа информацијата пред МВР, фокусот на акцијата е обезбедување документација од лажирани јавни тендери и лажни ИСО сертификати поврзани со скопската компанија од село Батинци.
