Заокруживме уште една значајна посета, што отвора нови можности за продлабочување на политичката, економската и на трговската соработка со Обединетите Арапски Емирати. Продолжуваме со силно темпо и јасен фокус на резултати, чиј бенефит ќе го почувствуваат граѓаните, напиша на својот фејсбук-профил министерот за надворешни работи и надворешна трговија, Тимчо Муцунски.
Во видео изјава Муцунски истакнува дека е потпишан меморандум за разбирање, како и дека со претседателката на државата Гордана Сиљановска-Давкова оствариле повеќе средби.
– Денеска, заокруживме уште една важна и успешна посета. Остваривме важна средба со претседателот и владател на ОАЕ, шеикот Махемед, а со вицепремиерот и министер за надворешни работи, шеикот Абдула, потпишавме меморандум за разбирање, за развој, модернизација и за дигитализација на Владата и државната администрација. Со претседателката Гордана Сиљановска-Давкова се сретнавме и со пртседателите на Естонија и Швајцарија, со претставници на меѓународни организации, како и со македонската дијспора во ОАЕ. Оваа посета потврди дека постои потенцијал за засилување на соработката меѓу двете земји во повеќе области. Продолжуваме со силно темпо и јасен фокус на резултати, чиј бенефит ќе го почувствуваат граѓаните – наведува Муцунски.
Видеото може да го погледнете на следниот линк:
