Уште четворица македонски државјани – мајка со три деца – утре ќе бидат евакуирани од Израел со лет од Тел Авив до Атина, информира Министерството за надворешни работи.
„Министерството за надворешни работи информира дека за утре е потврдена евакуација на четири лица, односно едно семејство (мајка и три деца). Местата се обезбедени преку Министерството за транспорт на Израел, во рамките на организираните летови кои се користат за евакуација на странски државјани од Израел. Летот е планиран од Тел Авив до Атина“ – соопштија од МНР.
Според Кризниот штаб во Министерството, моментално уште 25 македонски државјани чекаат евакуација. Но, не сите се подготвени да ја напуштат земјата веднаш. Се очекува во наредните денови дополнителен број наши државјани да добијат можност за евакуација од Израел.
