Трагедијата во Кочани е масовно убиство нема да има милост за секој што дозволувал за пари, мито, и корупција да се случи ова – вели премиерот Христијан Миицкоски. Тој откри загрижувачки податоци по вонредниот инспекциски надзор во ноќните клубови. Само 12 локали во Македонија имале валидни лиценци за работа, што значи дека огромен број објекти работат на диво. Премиерот предупреди дека сите ноќни клубови кои работеле нелегално ќе бидат затворени и најави зголемени контроли.
„Дојдовме до заклучок дека во 2024 година се издадени вкупно 12 лиценци за кабареа. Па сега може да се претпоставите колку клубови работат во државата, и тоа не знаеме кои се валидни, затоа што претпоставуваме дека рокот им е изминат, така што не очекува многу работа, затоа што е очигледно дека никој не си ја вршел работата. И сега се обидува некој под политизација да ја сокрие криминалната работа која ја правел изминатите години. Нема да има милост, кој сака нека биде, од каква сака нека биде етничка припадност и од која сака нека биде политичка партија. Ова е би рекол масовно убиство кое некој го дозволувал за пари, за мито, за корупција кое дозволувал да се случи“, рече Мицкоски.
Премиерот имал информации дека во Министерството за економија имало низа криминали, но во интерес на истрагата не може да соопшти детали. Најави темелна истрага за трагедијата, но и одговорност за виновниците.
“Цело време работеле или без лиценца, а прашањето е тие што му потпишале во ’21 и ’23 како му потпишале и врз основа на кои елоборати и документи му потпишале во ’24. Видовме како му потпишале, бидејќи на тоа архивско бројче на кое се води оваа фалсификувана лиценца е коресподенција со странски инвеститори” вели Мицкоски.
Претседателот на Владата констатира дека е доблесна оставката на градоначалникот на Кочани, Љупчо Папазов.
Мицкоски потенцираше дека борбата за спасување животи продолжува и во следните денови, апелирајќи сите кои биле во близина на погодената област да побараат лекарска помош доколку почувствуваат симптоми.
