Премиерот на Македонија, Христијан Мицкоски, оствари средба со меѓународниот секретар на Европската народна партија (ЕПП), Патрик Волер. На средбата се разговараше за значењето на поддршката што ЕПП ја дава на демократските процеси во регионот, како и за продлабочување на политичката соработка меѓу партиите членки на европско ниво.
Премиерот Мицкоски истакна дека партнерството со ЕПП претставува силен поттик за натамошен напредок на Македонија на европскиот пат, при што ја потенцираше важноста од континуирана соработка со сестринските партии од Европа.
„Разменивме мислења за политичките предизвици во регионот и улогата на ЕПП како двигател на европските вредности. Заедничката заложба за стабилност, просперитет и демократија останува наш приоритет,“ објави премиерот Мицкоски.
Средбата беше дел од пошироките активности за зајакнување на меѓународната политичка соработка и интеграцијата на Македонија во европските процеси.
