Премиерот на Македонија, Христијан Мицкоски, упати честитка по повод празникот Рамазан Бајрам до сите верници од исламска вероисповед.
Мицкоски посака среќен празник, нагласувајќи дека овие свети денови се време кога се заокружува месецот на пост, трпение и духовна посветеност, но и момент за потсетување на вредностите што ги обединуваат луѓето.
„Да се потсетиме на вистинските вредности што нè обединуваат како луѓе – почитта, солидарноста, хуманоста и грижата за другиот“, порача Мицкоски.
Мицкоски истакна дека празникот нè потсетува дека силата на едно општество се мери преку подготвеноста да се подаде рака, да се помогне и да се покаже разбирање кон другите.
Мицкоски во честитката упати искрени желби до верниците за здравје, напредок и благодет.
