Премиерот на Македонија, Христијан Мицкоски, се обрати на настан во организација на Mathias Corvinus Collegium, каде што зборуваше за значењето на лидерството, визијата и храброста во време на сериозни европски и глобални предизвици.
Во своето обраќање, Мицкоски истакна дека силните држави се градат врз јасни политики, стабилни институции и доследна заштита на националните интереси.
Тој ја посочи Унгарија како пример за држава која, како што наведе, со јасна визија и силно лидерство успева да обезбеди економски развој, стабилност и зачувување на идентитетот. Според него, премиерот на Унгарија, Виктор Орбан, покажува лидерство и храброст во носењето одлуки во интерес на својата држава, придонесувајќи за стабилноста на регионот и Европа.
Мицкоски нагласи дека партнерството меѓу Македонија и Унгарија не е само формално, туку суштинско и засновано на доверба, заеднички вредности и конкретна соработка.
Тој изрази благодарност за поддршката што Македонија ја добива од Унгарија, оценувајќи дека таа е искрена и континуирана и има значајна улога во продлабочувањето на билатералните односи меѓу двете земји.
Целата објава може да ја погледнете на следниот линк:
