Додека чекаме да не прими Европа, Европа ќе ја донесеме во Македонија, порача Христијан Мицкоски. Државава со години е блокирана на патот кон ЕУ поради бугарските уцени и условувања. Премиерот вели дека нема откажување, борбата за подобра иднина мора да продолжи.
-Ќе сторам се што е во наша моќ да граѓаните добијат европска иднина. Без разлика дали тоа Европа сака да не прими или ние ќе ја донесеме Европа овде. Ќе сториме се што е во наша моќ, нема откажување, нема никогаш да излезам малодушно пред сопствените граѓани и да кажам блокиран ни е патот, нема иднина. Ќе се борам се додека функционирам, изјави Мицкоски.
Со цел членство во ЕУ, Македонија го промени името, го менуваше Уставот, знамето, направи големи отстапки. Мицкоски вели веќе не смееме да ги трпиме понижувањата кои сме ги имале со години.
-Ние дадовме премногу, како ниту еден народ, како за таа Европска Унија. Сменивме име, сменивме знаме, сменивме банкноти, Устави менувавме, што се не направивме, какви ти се не кнедли, понижувања истрпевме и како народ и како граѓани, за жал се наоѓаме на истото место каде што бевме пред 25 години. Е сега треба некој таму во Брисел да погледне кон себе дали навистина сака овој регион да го види и оваа млада земја во срцето на Балканот, малубројна земја во срцето на Балканот, со луѓе со големи срца во Брисел, изјави Мицкоски.
Македонската Влада со цел членство во Европската Унија бара уставните измени да бидат со одложено дејство, односно да се имплементираат кога Македонија ќе го ратификува членството, со цел да избегнеме серија други условувања од источниот сосед.
Матеја Петровски
