Премиерот Христијан Мицкоски денеска ќе присуствува на поставување камен-темелник на новата фабрика на турската компанија „Чагатај Кабло“ во ТИРЗ Скопје.
Мицкоски вчера, одговорајќи на новинарски прашања по посетата на „Даре Џамбаз“, посочи дека се работи за дополнителна инвестиција од шест милиони евра и 200 нови вработувања.
Премиерот претходно кажа и дека идната недела, на 16 јули, ќе биде поставен камен-темелникот на ветерниот парк во Штип што треба да го гради „Алказар енерџи“, како и дека по одморите ќе има состанок со раководството на турската компанија „Казанџи груп“ за да се дефинираат приоритетите по потпишувањето на Меморандумот.
