Не се само 8 милиони евра проневерени во Државна лотарија, штетата е многу поголема. Власта располага со информации за многу поголема проневера од она за кое сега има докази и пријави, но истрагата е се уште отворена, па не се споделуваат детали.
Последниве денови врие на политичката сцена од обвинувањата кој е виновен што Груби се спакува и избега од соочување со правдата. Иако општо познато е дека границата на Косово се поминува и без многу формалности, особено ако превозот се прави со дипломатско возило, сепак СДСМ тврди дека бегството на Груби било политички договор на власта со ДУИ. Уште поневеројатно е тоа што СДСМ обвинува за полтички договори, а самите тие седум години има одлична соработка и ја делеа власта со интегративците.
Од ВМРО ДПМНЕ предупредуваат дека само на Венко Филипче и СДС не им пречело однесувањето на Артан Груби во Владата, криминалот и корупцијата. Дури и Бујар Османи велат се откажа од него.
Од МВР повеќе пати потенцираа дека бегството ќе биде целосно расчистено, а за граничарот кој го пропуштил бегалецот веќе има и кривична пријава зашто не извршил адекватни проверки и не евидентирал излез на возилото, а патниците ги завел како пеш да ја преминуваат границата.
Локацијата на Артан Груби засега останува непозната. Последен пат јавно се обрати на 15 декември каде преку социјалните мрежи напиша дека бил во приватна посета на Косово и дека веднаш штом ги заврши обврските ќе се врател дома кај неговото семејство.
Во јавноста на големо се шпекулира дека тој веќе е во Албанија, а дел од медиумите повикувајќи се на полициски извори објавија дека дипломатот и газда на Нептун во полициска станица изјавил оти го оставил Груби близу стадионот во Тирана. МВР ниту ја потврдува ниту ја демантира оваа информација.
И вицепремиерот Изет Меџити во интервју за албанската „Ора њуз“ изјави дека според негови информации Артан Груби е во Албанија.
Љубиша Владимиров
