Премиерот Христијан Мицкоски вели дека ќе се направат напори известувањата за прекршоците од „Безбеден град“ да се согласно Законот за јазици, за да не може да се користи проектот за собирање политички поени со националистички призвук.
-За да не го злоупотребувате ова во националистики призвук, веднаш ви кажувам ќе сторам се со МВР казните, опомените или информациите да бидат согласно Законот за јазици со МВР, за да немате таков аргумент, за да не мислите дека некој има против тоа. Напротив секој живот ни е драг, мил. Ние, не сакаме луѓето да гинат и покрај тоа што ќе трпиме политички реперкусии, рече Мицкоски во одговор на пратеничко прашање од пратеничката Илире Даути од Алијанса за Албанците.
Тој вели дека иако во поставувањето на прашањето таа имала повеќе констатации, во суштина заклучокот е, како што истакна, е оти тое, не сакате да се спроведе проектот и законот.
-Тоа е суштината на вашиот говор. Јас тоа можам да го заклучам, а мислам и македонската јавност. Па сега вие изнесувате неколку дилеми меѓу кои велите дека инфраструктурата не била прилагодена, па требало да се прилагоди и така натаму. На 27 јануари, пред два дена затекнати се вкупно 76 нерегистрирани возила, каква врска има тука инфраструктурата. На истиот ден најголема измерена брзина е 196 километри на час. Како формула да возеле, значи има инфраструктура, рече премиерот.
Околу Законот за јазици, вели дека јавно кажува оти треба да се прилагодат пораките на овој закон.
– Ако мислите дека тоа е пречка веднаш ви кажувам да се прилагоди и нема никаков проблем. Ако може за ова да спасам некој живот во Тетово, Скопје, Куманово, насекаде во Македонија. Вие не сакате ова да фунционира и мислите дека со тоа што ќе излезете и ќе играте на картата на ниски страсти и на картата на тоа дека ќе се казнуваат сите прекршители на закон дека ќе добиете политички поени, па го сведувате на етничка припадост, нацинализам. Тоа не сакам ниту да го коментирам, истакна Мицкоски.
Вели дека проектот треба да се реализира на целатата територија, но најголем дел од прекршоците се прават токму во Скопје.
– Вкупно околу 8000 илјади прекршоци се регистрирани на 27 јануари, од кои 75 посто се во Скопје, во Куманово и во Тетово се само по шест и пол проценти. Од нерегистрираните возила 56 се Скопје, рече македонскиот премиер.
Според него, целта не е да се казнува туку да се намали бројот на прекршоци.
-Пред два дена беа 8000, многу е, но, на почетокот беа 108 илјади, истакна премиерот Мицкоски.
Пратеничката Илире Даути истакна дека од претседателката Гордана Сиљановска Давкова ќе побара да не става потпи на Законот со кој се овозможува функционирање на овој проект, бидејќи за него немало јавна расправа и согласно тоа не биле вградени сите забелешки.
