Аболирани лица да не можат да се занимаваат со политика или друга јавна дејност. И да се консултира правната фела за забрана за аболиција на лица кои се занимавале со политика бара ВМРО-ДПМНЕ. Ваквиот предлог лидерот на ВМРО-ДПМНЕ Мицкоски денеска го изнесе во контекст на последните случувањса со одлуката на Уставниот суд околу аболицијата на Иванов.
Уште во 2008-та година и случајот „Глобал“ се покажа дека правдата кај нас се изигрува преку несовесно давање на амнестија. Очекувам ова да биде прифатено и од страна на СДСМ и Заев, наместо со замки и удбашки методи да прифатат принципи и вредности. Македонија не верува во амнестии, Македонија верува во правда и принципи. Мора да создадеме систем кој независно ќе суди, ќе докажува криминал и ќе има одговорност за сите кои докажано се огрешиле кон законите и Уставот, рече Мицкоски.
Според Мицкоски Заев и СДСМ прават подготовка за некоја идна аболиција која треба да се испорача од Пендаровски.
Барањата на Мицкоски и ВМРО-ДПМНЕ не се услов за поддршка на иницијативата на СДСМ за автентично толкување на членот 11 – а од Законот за помилување. Мицкоски рече дека е против аболиција и дека ВМРО-ДПМНЕ ќе ја поддржи секоја иницијатива која ќе значи крај на злоупотребата на помилувањето.
Сепак за разлика од него, опозицијата прво бара поддршка за нивната инициатива,. а потоа да се разговара за нови предлози.
Мицкоски зад настаните во Уставниот суд гледа и страв на власта за по изборите. За да не се одложат изборите, тој ќе побара од пратенициоте на ВМРО-ДПМНЕ да поднесат и иницијатива за ратификација во собранието на протоколот за НАТО пред изборите, а со одложено дејство. Односно распуштањето на пшарламентот да не биде пречка да се гласда за него.
Градимир Марковски
