Шеесет научници, македонисти и слависти, од земјава и од странство, заеднички ја чествуваат 80-годишнината од кодификацијата на македонскиот јазик.
Во организација на Катедрата за македонски јазик и Катедрата за македонска книжевност и култура на Филолошкиот факултет „Блаже Конески“ при Универзитетот „Св. Кирил и Методиј“ во Скопје, се одржува меѓународната научна конференција „Македонскиот јазик – 80 години од кодификацијата“. Развојот на македонскиот јазик, книжевност и култура, современите состојби во македонистиката, современите лингвистички и книжевни теории, македонскиот јазик и книжевност во наставата, како и книжевниот превод се само дел од тематските подрачја на новите научни трудови што се презентираат на конференцијата, во чиј што научен одбор членуваат триесет истражувачи од осум држави.
Во рамките на конференцијата се одржува и научниот собир „Млади македонисти“, на кој што традиционално учествуваат истражувачи од земјата и од странство до 35-годишна возраст.
