Почитувани. Гледајќи низ призмата на историјата, најголемите предавства ги има направено СДСM. Од менување на име, знаме, Устав, за денес повторно СДСM да се спремни за ново предавство на чело со Филипче. Овој пат не било какво предавство туку најстрашното за македонскиот народ, а тоа е редефинирање на историјата, негирање на јазикот и идентитетот.
Се она што сме го учеле и пренесувале од колено на колено, Филипче и СДСM се спремни да го променат. Филипче и СДСM утре би потпишале дека постоиме од 1945 година. И без разлика на тоа што конечно ЕУ не гледа како достоинствена држава, со напредна економија, која е сериозна во намерите да успее во реформите и да биде пример во регионот, Румен Радев, Венко Филипче и СДСM повикуваат на уставни измени.
За Радев ни е јасно, меѓутоа со што е уценет Филипче за да води таква политика? Наместо да застане во одбрана на македонските интереси, тој ги распродава. Почитувани граѓани, добро е да се потсетиме зошто СДСM и Филипче се во опозиција. Затоа што одат по стапките на Заев. Затоа рејтингот им е колку една шака и ќе бидат декласирани на следни избори.
