Филипче со мотор во Грција кај Заев шест дена на одмор, а во Скопје преку активистите шири дезинформации и создава паника меѓу граѓаните, соопшти портпаролот на ВМРО-ДПМНЕ Валентин Манасиевски на Фејсбук.
Венко Филипче, преостанатиот талог од СДСМ, со мотор отишол на гости кај неговиот ментор, Зоран Заев.
Имено, од свиркачи дознаваме дека на 06.08 во 16:40 часот, Филипче со својот мотор е виден на граничниот премин Богородица, по што се упатил кај неговиот ментор Заев во Паљури, 6 дена на одмор.
Не му требаше многу на предавникот Филипче за да отиде кај неговиот другар по криминал и предавства, Заев, за заедно да ужуваат на скапата јахта и од морската шир во Грција да делат насоки за делување на неговите пајташи.
Додека Филипче тера ќефови, ужива по скапите јахти со Заев на Егејот, во Македонија го остави најдолниот слој од талогот на СДСМ со јасни насоки да шири хистерија, паника и страв кај граѓаните и тоа за водата за пиење.
Толку од “грижата” на Филипче за граѓаните. Кога Заев ќе го повика, за него целиот свет застанува.
Водата во Скопје е безбедна, а оние кои намерно ширеа дезинформации и паника меѓу населението, очекуваме од МВР и ЈО да бидат повикани.
