Францускиот претседател Емануел Макрон порача дека Европа треба да се подготви за понатамошни судири со САД и да го сфати неодамнешниот „момент на Гренланд“ како повик за будење, за спроведување на долго-одложуваните економски реформи и зајакнување на глобалната моќ на Европската Унија.
„Кога има јасен чин на агресија мислам дека она што треба да го направиме е да не попуштаме или да се обидуваме да постигнеме спогодба. Мислам дека се обидуваме со таа стратегија со месеци. Не функционира“, изјави Макрон. Тој рече дека администрацијата на Трамп е „отворено антиевропска“ и се стреми кон „распаѓање“ на ЕУ. „САД ќе нè нападнат во наредните месеци. Тоа е сигурно поради дигиталната регулатива“, порача Макрон, предупредувајќи на потенцијалните американски увозни тарифи на Трамп, доколку ЕУ го искористи својот Закон за дигитални услуги за контрола на технолошките компании.
