Кина ја проширува политиката на безвизен режим за уште девет земји меѓу кои и Македонија, соопшти денеска кинеското министерство за надворешни работи.
Помеѓу 30-ти ноември оваа година и 31-ви декември 2025-та, политиката за ослободување од визи ќе се применува за обичните носители на пасоши од Македонија, Бугарија, Романија, Хрватска, Црна Гора, Малта, Естонија, Летонија и Јапонија, соопшти портпаролот на кинеското МНР.
Покрај тоа, Кина, ќе го продолжи и периодот на безвизен престој од сегашните 15 на 30 дена, пренесе кинеската државна телевизија.
