Расте бројот на патници од македонските аеродроми. Минатата година има зголемување за 9%. Во месец декември лани, од македонските аеродроми се превезле дури ¼ повеќе патници во споредба со декември 2024. Дополнително зголем е и број на летови за 4 отсто споредено со 2024 година. Само во октомври се воспоставија неколку нови линии.
Од охридскиот аеродром се лета до Базел. Од Скопје пак се воспоставија нови линии кон Стокхолм на главниот аеродром, потоа до Штутгарт, Бари и до Ларнака, Кипар. Директорот на ТАВ Македонија, Неџат Курт, потврди дека активностите на Владата ги подобри резултатите.
„Новите дестинации, континуираната соработка со авиокомпаниите, зголемената побарувачка за патувања и посветеноста на нашите вработени овозможија стабилен и одржлив раст. Овие резултати ја зацврстуваат позицијата на македонските аеродроми како сигурни и конкурентни регионални воздухопловни центри и ни даваат силна основа за уште поамбициозен развој во наредниот период“, изјави Неџат Курт, директор на ТАВ Македонија.
Минатата година во процент на превезени патници, охридскиот аеродром го надмина скопскиот. Од Охрид, дневно патувале за 16.3% повеќе патници од 2024 година, додека пак од Скопје полетале за 9 проценти повеќе.
Вицепремиерот и министер за транспорт Александар Николовски, уште лани најави дека од пролетва, од скопскиот и охридскиот аеродром ќе се лета во скоро 50 градови во Европа, со што бројот на превезени патници се очекува да ги надмине и овиее засега рекордни бројки.
