Македонија изутрината се разбуди целата под снег. По студената ноќ и ниските температури, снегот ги прекри сите улици, тревници дрвја, покриви, создавајќи вистинска зимска идила. Надлежните за разлика од претходните години овој пат не беа изненадени и подготвени го дочекаа снегот.
„Македонија пат“ со целокупна механизација и работна сила уште од раните утрински часови е на терен и во континуитет врши расчистување на сите патишта. Оттаму велат дека сите регионални и магистрални патишта се проодни за лесните возила, освен во превоите каде има забрана за тешки товарни возила.
„Се работи за превоите Стража Плетвар, плевојот делницата од кракот Маврово кон Дебар има забрана за тешки товарни возила од Паланка до Деве Баир, и забрана за тешки товарни возила во Ѓавато. Состојбата во автопатишата е проодна проодни се сите. Брзината на движење од тоа што го гледаме е некаде до 80 километри на час. Возачите кои возат по регионални и магистрални патишта да носат зимска опрема“, рече Љуљзим Шакири портпарол на „Македонија пат“.
Снегот не ги изненади ниту скопските градоначалници кои од синоќа исто ги активираа службите да го исчистат најрпометните улици. Како што изјавија некои од нив, активирана е целата расположлива механизација и испратени се екипи да го расчистат снегот.
во Кисела Вода во текот на целата ноќ, освен на улиците се интервенираше и во делот на расчистување на паднатите гранки и дрвја, како последица на снежното невреме.
„Мојот народ да биде спокоен, подготвени сме и извршувањето на секојдневните активности ќе биде целосно овозможено и непречено“, истакна Ѓорѓиевски.
Слична е состојбата и во Гази Баба каде се активирани четири специјализирани возила за снег и два багери, На терен се излезени педесет вработени од Јавното комунално претпријатие ЈКП, кои активно работат на расчистување на снегот. Досега низ улиците се расфрлани 30 тони сол и ризла, а отворен е и мобилен пункт. Се чисти и во Центар. Најкритични локации се подножјето на планината Водно, каде од утринава активирани се специјализирани возила и тимови.
И од Железници велат дека сообраќај се одвива нормално и без прекин со минимални задоцнувања. Станува збор за мали застои главно предизвикани од заснежени или замрзнати сврници. Дежурните екипи континуирано работат на нивно расчистување. Од Град Скопје засега не добивме одговор дали имаат испратено дежурни екипи за расчистување на улиците.
На снегот можеби не му се радуваат најголемиот дел од возрасните, но затоа им донесе радост на најмладите. Џагор и детска смеа попладнево ги исполнија маалските улички и парковите. На снежните радости кај децата им немаше крај. Снегот го искористија за правење Снешко, анѓелчиња, а не изостана и санкањето.
Љубиша Владимиров
