По речиси три децении, Македонија конечно добива електронски регистар на здравствени работници – систем кој првпат нуди јасна и прецизна слика за вистинските потреби во јавното и приватното здравство. Бројките покажуваат дека најдефицитарни остануваат анестезиолозите, невролозите, радиолозите, онколозите и патолозите – професии без кои здравствениот систем тешко може да функционира. Според министерот Азир Алиу, со овој регистар ќе се прекине праксата на хаотични вработувања во здравството.
„Знаеме колку медицински сестри, кардиолози, анестезиолози ни недостигаат во државата. Отворање на конкурс за специјализации нема да има по желба на општината, ако не се вклопуваат во оваа матрица. Имате случаи каде на едно место работат пет лекари од иста област, а според потребите доволни се тројца. Двајца од нив би можеле да бидат ангажирани таму каде што навистина има дефицит“, појаснува министерот. – изјави Азир Алиу
Анализата покажува дека, и покрај бројните вработувања во јавното здравство изминатиот период, и понатаму постои недостиг на лекари и сестри, а растот на кадарот во последната деценија е минимален.
„Податоците за медицинските сестри покажуваат дека од 356 на 100.000 жители пред десет години, бројката во 2020 година е порасната на 440 на 100.000 жители…“ – изјави Азир Алиу
Во Македонија моментално има 32.383 вработени во јавниот и приватниот здравствен сектор. Од нив, 18.536 работат во јавните здравствени установи, а 13.847 во приватните.
