Македонија и Јапонија потпишаа Меморандум за културна соработка. Потпишувањето се случи во време кога двете земји одбележуваат три децении од воспоставувањето на билатералните односи. Јапонскиот комесар за културни врски, Шуничи Токура, рече дека ова претставува огромен поттик за развој на соработката во сите сфери од културата и уметноста. За време на посетата на Македонија Токура ќе ја посети Филхармонијата, Музејот на македонската борба за самостојност и Старата скопска чаршија..
Денеска во 18 часот во Македонскиот народен театар тој ќе присуствува на концерт на Оркестарот за џез-музика, во чест на одбележувањето на 30-годишнината од воспоставувањето на билатералните односи меѓу Македонија и Јапонија.
