Зајакнуваат економските врски со Чешка. Вицепремиерот Александар Николоски и министерката за енергетика Сања Божиновска заедно со високи владини претставници се во Прага на заедничкиот состанок за економска соработка. Од преговори за нови странски инвестиции, преку презентација на туристичките и енергетски потенцијали на земјава, тие остварија значајни средби со своите чешки колеги и бизнисмени. Вицепремиерот Николоски е задоволен од посетата.
Чешките компании ја презентираа својата напредна технологија во енергетскиот сектор. Божиновска беше во посета на ТЕЦ Тушимице, а фирмите од Чешка се понудиле и да го поделат своето знаење и искуство во евентуална подготовка за изградба на мали нуклеарни централи, доколку Македонија во иднина би била заинтересирана за вакви вложувања.
Македонија се надева на повторно воспоставување на авионската линија Скопје – Прага. Вчера вицепремиерот Николоски потенцираше дека била претставена и можноста за нова авиолинија од Охрид до Карлови Вари. Денеска од ТАВ Македонија рекоа дека се оптимисти на позитивен исход од преговорите.
Двете делегации потпишаа протокол за продлабочување на економската соработка и реализација на заеднички иницијативи.
