Удавени во долгови, јавните претпријатија во Охрид се најголем проблем кој општината го наследила од претходната локална власт. Своевремено тогаш актуелните директори на сите јавни претпријатија, успеале да направат милионски долгови изразени во евра.До овој момент вкупниот долг на ситеопштински јавни претпријатија изнесува 497 милиони 600.000 денари или околу 8 милиони евра.Повеќе од половина од вкупната сума, е долг на јавното претпријатие “Водовод.” Судбината на ова претпријатие кое го снабдува градот со вода е неизвесна бидејќи должи приближно 5 милиони евра.Потоа следи ЈП „Билјанини извори“ со долг од еден милион и 200.000 евра. Трет е „Охридски комуналец“ со долг од 978.000 евра.Иако „Нискоградба“ е единственото претпријатие со одблокирана жиро сметка и тоа должи 762.000 евра. „Градски пазар“ се соочува со долг од 39.000 евра. Најмалку должат „Градски гробишта“ – 16.000 евра.
Многу е тешко да се работи со блокирана жиро сметка и да се реализираат проекти, дополнителна тежина е што блокираните јавни претпријатија работат со судска финансиска рамка.Иако последниве години повеќето работат со позитивно салдо и постепено го намалуваат долгот, тој сеуште е висок. Градоначалникот Пецаков,отворено коментирајќи ги приликите кои ги затекнал,додава дека единствен излез гледа во намалување на бројот на јавните претпријатија.Тоа за него е најголем предизвик со кој ќе се фати во костец.
“Главните работи што сакам да ги направам е намалува на бројот на јавните претпријатија и намалување како и рационализација на трошоците на јавните претпријатија.Како што ја одблокиравме општината, така да ги ставиме и сите останати јавни претпријатија во функција”-вели Кирил Пецаков-градоначалник на Охрид
Оштината Охрид која повеќе од деценија работеше со блокирана жиро сметка и олесната општинска каса,повеќе нема долгови.Тоа значи дека горешивме најгорливиот проблем на општината и успеавме да го завршиме процесот на раздолжување,вели Пецаков.
“Од денешен аспект општина Охрид е со одблокирана жиро сметка и во наредната година пренесуваме 227 милиони денари или околу 4 милони евра што е огромен успех за нас и застанување конечно на општината на здрави нозе.Што значи реализирање на многу инфраструктурни проекти без никаква помош од владата или од било кое министерство”-вели Пецаков
Изградбата на катна гаража и целосно нов лик на проштадот Крушевска република кај Чинарот се двата проекти кои Пецаков најави дека ќе ги реализира до крајот на овој градоначалнички мандат. Обновата на плоштадот „Крушевска Република” е капитален проект вреден 47 милиони денари. Според нацртот, плоштадот треба да добие модерен изглед со нова урбана опрема, канделабри, осветлување со лед светилки, фонтана,многу садници и клупи.
Росица Голабоска