Родителите на околу 50дечиња мака мачат за да ги запишат во една од двете градинки во Штип. Недостатокот на кадар, е причина да се создаде и листа на чекање.
Поради стопирање на процесот за издавање на лиценци за негователки и воспитувачки, повеќе од две и пол години не може да се пополнат испразнетите работни места. Во двете градинки недостасуваат над 80 негователки, воспитувачки, како и технички кадар.
„Се надеваме дека министерството ќе излезе во пресрет и ќе ги даде потребните дозволи за нов кадар коишто ќе работи со дечињата. Мора да нагласам дека во последните две и пол години не беа дадени ниту една согласност за вработување на кадар кои ни е неопходен во градиките и покрај тоа што голем дел од вработените заминуваат во пензија и местата не се пополнуваат„ изјави Снежана Санева, раководител на Секторот за образование во Општина Штип.
Најголем проблем се јавува во јасли, каде законот не дозволува групите да примаат деца над дозволеното.
„Законската регулатива наложува децата на мала возраст да бидат сместени во мали групи, такашто децата до една година можат да бидат во група од 6 до 8 дечиња. Децата кои се над 5 годишна возраст можат да бидат дваесетина во група. Апсолутно сме немоќни да направиме нешто повеќе или да го зголемиме бројот„ изјави Санева.
Од општината потенцираат дека се планира изградба на уште една градинка , а во меѓувреме се уште чекат согласност за отпочнување со работа на градинката во населбата „Три Чешми“. Проблемот со недостатокот на кадар го имат речиси сите градинки во државата. Се претпоставува дека се потребни над 1000негователки, воспитувачки, како и технички кадар.
Александра Ристевска
