Ја игнрорираат и газат врз волјата на граѓаните, а сега им текна да ги прашуваат што мислат они. Венко Филипче и СДСМ имаат најмалку право да бараат или зборуваат за референдум за било кое прашање, а најмалку за теми кои се однесуваат на надворешната политика и идентитетските прашања. Крајно лицемерие е партијата која го потпиша преспанскиот договор, договорот за добрососедство и го прифати францускиот предлог без да консултира било кого, а најмалку граѓамните сега да зборува за народно изјаснување. Не само што не консултираше, туку целосно го изигнориа референдумот што под притисок мораше да го осрганизира за промена на името.
-Ние имавме еден референдум, чии резултати СДСМ и тогашниот лидер Зоран Заев, а со тоа и неговите наследници, Ковачевски и сега Филипче покажаа каков однос имаат кон најголемиот степен на демократијата во една држава, што всушност е референдумот. Тие ја погазија волјата на граѓаните Македонија, организирајќи криминална престава практично во Собранието, вели за Алфа поранешниот новинар и пратеник, Сафет Бишевац.
Бишевац смета дека ова покажува несериозност од партијата на Филипче, бидејќи јасен е ставот на граѓаните – повеќето од нив, односно цели 70 проценти од сеуште сакаат членство во ЕУ.
Со ова барање, според него, СДСМ сака да ја скрие својата безидејност да понуди нешто на луѓето. Дополнителна несриозност кај оваа партија покажува што вакво барање, имаат во време на сериозна глобална економска криза, кога сите држави гледаат финансиите да ги искористат за она што е најпотребно и неопходно.
-Недостаток на релевантност, стратегија партиска за да може како претходник на опозицијата да биде дел од она што се случува во државата. Барањето за референдум за членство во Унијата не е ништо друго, туку обид да се затскрие сопстветана неспособност, да се понудат подобри идеи, решенија за државата, изјави Бишевац.
Историјатот на СДСМ во однос на непочитување на волјата на граѓаните има подлабока историја. Уште од референдумот за независност кога од страв на народот му сервираа двосмислено прашање, преку територијатаната поделба, кога го урбнаа со тезата „некои прашања не заслужуваат одговор“, па се до неодамнешниот за промената на името. Веројатно поради сето ова, владата вчера експресно ја одби иницијатовата велејќи дека ваков референдум би бил само залудно трошење на пари.
Матеја Петровски
