Наместо извинување од страна на СДС и Филипче за невистините кои ги изнесоа во јавноста за наводни мигранти во Македонија, тие и понатаму продолжуваат да лажат. ПР-от на СДСM и Филипче кој очигледно е дека не им оди од полза, треба под итно да го променат затоа што бродот на СДСM тоне се повеќе и повеќе, се посочува во соопштението на ВМРО-ДПМНЕ од денешната прес-конференција на Миле Лефков, пратеник на ВМРО-ДПМНЕ.
Откако добија демант од британскиот амбасадор за наводни мигранти и мигрантски кампови во Македонија, СДСM и натаму продолжува тврдоглаво со главата во ѕид, мислејќи дека ако повторуваат 100 пати една лага таа ќе стане вистина.
СДСM и Филипче лажеа дека никогаш не говореле за мигрантски кампови, а тие беа истите кои велеа дека Македонија станува голем мигрантски камп и црна точка во Европа. За секоја нивна лага следува демант. И нема извинување, нема одговорност. Само лаги, манипулации и деструкција. Основните три начела на СДСM, затоа и се трета партија во Македонија со 130.000 гласови.
