Откако обидите за создавање паника околу водата пропаднаа пред фактите, од СДСМ нема ниту извинување, ниту преземање одговорност за кажаното. Напротив, продолжуваат со истата матрица, нов ден, нова конструкција и нов обид за создавање хаос, се вели во соопштението на ВМРО-ДПМНЕ од денешната прес-конференција на .Миле Лефков, член на ИК и пратеник на ВМРО-ДПМНЕ.
Тоа е разликата која граѓаните ја гледаат. Додека СДСМ произведува политички приказни, ВМРО-ДПМНЕ работи и испорачува резултати.
Филипче може да одмора со Заев во Паљури, на милионската јахта, но не може бесконечно да бега од одговорноста за политиката што ја води неговата партија.
СДСМ треба да одговори, зошто ниту еден пакет вода не донираа за Гостивар и зошто не го повикаа градоначалникот Лимани на одговорност? До кога секој нивен политички неуспех ќе го покриваат со нова дезинформација и нов обид за паника?
Граѓаните веќе ја препознаваат оваа матрица. Македонија има потреба од одговорност и работа, а не од опозиција која сопствениот недостаток на идеи се обидува да го надомести со хаос и страв.
