Процесот на европско приближување е процес на спроведување реформи и трансформација. Но, реформите што ги бара ЕУ не треба да се сфатат како ограничувачки, нитуа треба да се сметаат како обврска која треба да се спроведе зашто ЕУ го бара тоа, туку треба да се сфтатат како нешто што е добро и позитивно за земјата и од што бенефит ќе имаат сите граѓани, рече денеска францускиот амбасадор Кристоф Ле Риголер.
Одгворајќи на новинарски прашања по потпишувањето на Меморандумот за соработка со Министерството за јавна администрација (МЈА), Ле Риголер напомена дека Франција одблиску го следи спроведувањето на реформите во земјава. Сепак, тој не сакаше да даде оценка за тоа каква е моменталната состојба во македонија и дали има реални шанси за напредок кон европското семејство. Наместо тоа, порача да се причека Извештајот од Европската комисија за напредокот што треба да биде објавен наскоро.
-Одблиску го следиме спроведувањето на реформите. Набрзо ќе биде издаден Извештајот од Европската комисија за напредокот на сите држави кандидати за влез во ЕУ, вклучително и за земјава. Да почекаме да го погледнеме, да видиме што ќе содржи. Суштинската работа во која длабоко верувам е следната: реформите што ги бара ЕУ не треба да се сфатат како ограничувачки, не треба да се сметаат како обврска која треба да се спроведе зашто ЕУ го бара тоа, туку реформите треба да се сфатат како нешто што е добро и позитивно за земјата, чиј бенефит ќе го имаат сите граѓани, истакна амбасадорот.
