Министерството за спорт продолжува со реализација на својата визија за развој на спортската инфраструктура низ целата држава. Куманово доби современ, целосно реконструиран спортски центар, изграден во рекордно време.
Новото спортско мултифункционално здание опфаќа фудбалски терен, кошаркарско и одбојкарско игралиште со полипропиленска подлога, како и фитнес зона опремена со современи реквизити. Со тоа, Куманово добива нов простор кој овозможува услови за спорт и рекреација за сите генерации.
Министерот за спорт, Борко Ристовски, истакна дека проектот во Куманово е дел од пошироката стратегија за инвестирање во спортот и создавање современи услови за тренинг, натпревари и рекреација низ целатс државата.
„Тоа што го ветивме – го исполнивме во рекордно време. Куманово доби современ спортски центар со мултифункционални игралишта и фитнес зона, простор кој ќе биде место на спорт, здрави навики и дружење. Министерството за спорт интензивно вложува во изградба и реконструкција на спортската инфраструктура, за спортот да биде достапен за сите – изјави министерот Ристовски.
Со овој проект, Министерството за спорт уште еднаш ја потврдува својата определба дека вложувањето во спортот е вложување во здравјето и иднината на граѓаните.
Видеото може да го погледнете на следниот линк:
