„Не за кршење на колективни договори и закони, ДА за почитување на гласот на работниците, ДА за пристоен живот“ – Конфедерацијата на слободни синдикати го крена алармот и на улица, пред Собрание се обиде да го премисли мнозинството во парламентот да го донесе Законот за административни службеници кој предизборно се турка со европско знаменце. Доколку се изгласа законот, работникот ќе биде оштетен за 50-тина евра оти нема да добие усогласување со минималецот во март, а исто така во платата нема да биде пресметан минат труд. Од КСС реагираат оти со ова се поттикнува непотизмот, а не функционална администрација
Овој закон нема ништо европско, со овој закон само се поттикнува непотизмот и примитивизмот. Вадењето на минималната плата да важи од март, а сите други одредби од 1.1.2025 година, мислиме дека не е време да се носи еден ваков закон, како што го кажуваат реформски и европски, а нема ништо европско, ниту реформско, вели Благоја Ралповски
Во законот нема ништо европски и не е јасно зошто се турка на сила – опозицијата бара повлекување и широка дебата. Пратеничката група на ВМРО- ДПМНЕ дојде на протестот да ги слушне барањата и уште еднаш алармираа за штетноста на ваквите предлози. Тие за законите имаат поднесено над 40 амандмани од кои 21 се за законот за административни службеници , дури 15 биле за технички грешки.
Власта пак во удобните фотељи во комисиската расправа како да не ги слуша свирежите од улица. Министерот Алиу како предлагач на законот вчера ги отфрли обвинувањата оти Владата сама без дискусија си одлучила за пакетот закони . Дискусијата во Собрание продолжува и без разлика на бројните амандани . Алиу дури и се закани со оставка ако СДСМ и ДУИ не ги процесуираат овие закони во парламентот , па сега на брзина се поминуваат и пакетот закони најверојатно ќе стигне на Пленарна седница идната недела.
Кристина Алексиеска
