Во овие неизвесни времиња, проширувањето на Унијата е геополитичка неопходност – претседателот на Европскиот совет,
Антонио Кошта, кој денеска престојуваше во Тирана, по средбата со премиерот Еди Рама, изјави дека Европската Унија е најдоверлив партнер на Западен Балкан.
„ЕУ е најдоверливиот партнер на Западен Балкан и на Албанија. Во овие времиња на нестабилност, проширувањето е геостратешка неопходност за Европа. Многу наскоро ќе бидеме на Самитот на Западен Балкан во Тиват. Да продолжиме понатаму во оваа работа што е направена за ЕУ“, изјави тој и додаде дека Црна Гора и Албанија се најблиску до членство, а за Албанија порача дека засилено треба да продолжи во борбата против корупцијата.
