Мек како памук или снаодлив обвинител што знае како да обезбеди докази онаму каде што се потребни, што е Наум Паноски, охридскиот обвинител чија кариера вртоглаво расте во последната деценија.
Деновиве се актуелизираше неговото име откако медиумите обелоденија дека се согласил на условна осуда за Ерсен Сали поранешниот фудбалер од бандата на Беким Незири што упадна во конролната кула. Но, тврдоста на орев ја покажа во предметот за упадот во Собраниео од 27 април, а за тоа сведочат дел од обвинетите кои лежат во затвор.
Дури и да нема доволно докази, Паноски може да ги најде, сведочи Христовски, осудениот од 27 април на 13 години затвор кој одбил домашен притвор, но одбил и да лаже.
Кога станува збор за Ерсен Сали, еден од напаѓачите од контролната кула, иако бил осуден на една година затвор за тешки дела против безбедноста, сепак Паноски одлучил да се согласи на условна осуда.
Сали заедно со брат му и уште неколкумина пукале во деловен простор, а при претресите било пронајдено и автоматско оружје, но тоа не било доволно обвинителството да инсистира на затворска казна. Доколку системот на потфрлил пред две години, фудбалерот Сали веќе ќе беше зад решетки.
Наум Паноски доаѓа од Охрид. За првпат е избран за обвинител во 2003. Во охридското обвинителство останува 10 години, а во 2013 се префрлува во Обвинителството за организиран криминал. Оттаму, пред речиси три години тој станува дел од Скопското вишо обвинителство и како јаготка на шлагот, Пановски од пред Нова година е дел од Републичкото обвинителство.
