Утрово Кочани го разбуди уште една трагична вест. Почина Иле Гоцевски, возачот на Итната медицинска помош, кој вчера неуморно ги превезуваше повредените од трагедијата што се случи рано утрото во дискотеката Пулс, во која како последица на пожар загинаа 59 млади луѓе, а повеќе од 155 се повредени.
Утрово, колегите и вработените во Општата болница Кочани се простуваат од Иле Гоцевски.
Гоцевски, долгогодишен возач во Итната помош во Кочани, починал синоќа по напорниот и долг ден во кој пренесувал повредени од пожарот. По завршениот ден, отишол дома да одмори, но не се разбудил.
