Поради дупката во буџетот ревидирањето на позитната листа на лекови ќе доцни. Според директорот на ФЗО, Сашо Клековски се ќе зависи од ребалансот на државната каса, за потоа да се разгледа колку и кои лкеови да се стават на позитивната листа.Клековски е оптимист дека ќе се реши проблемот на пациентите за да зимаат поефтини лекови, но не кажа рокови кога тоа ќе се случи.
“Mораме да ги видиме приоритетите, бидејќи секој ден се јавуваат од клиники, од болници дека се блокирани, дека фондовите за условно финансирање се потрошени итн. Меѓутоа, убеден сум дека со домаќинско работење ќе најдеме начин да ги покриеме сите потреби што се до крајот на годината. За 2025 малку и да следното гледање на позитивната листа да не биде мало дотерување на листата, туку да биде малку посуштинско, посодржинска промена,” рече Клековски.
Ревидирањето на позитивната листа на лекови стана надежно, откако се даде одобрение за девет лекови и тоа за зголемен крвен притисок, антидепресиви и за деменција, но за тие да бидат достапни на рецепт мора да добијат зелено светло од Фондот за здравствено осигурување. Клековски вели дека за десетина дена ќе биде познато дали овие медикаменти ќе се купуваат на рецепт.
Покрај одобрените девет лекови, министерот за здравство најави дека до крајот на годината ќе има уште едно ревидирање на позитивната листа.
Инаку, повеќе од 15 години во Македонија нема промена и додавање на современи лекови на позитивната листа, на која пак се наоѓаат апчиња кои одамна многу земји ги исфрлиле од употреба.
Досега, неколку министри оптимистички најавуваа достапност на нови лекови на рецепт. Но освен ветувања, никој ништо не реализира.
